Samsung Display kompaniyasining M16 LEAD OLED texnologiyasi iQOO 16 va Apple’ning ilk buklanuvchi smartfonida qo'llanilishi kutilmoqda. Bu haqda taniqli insayder Digital Chat Station ma'lum qildi. LEAD texnologiyasi yorug'likni samaraliroq o'tkazib, energiya sarfini oshirmagan holda displey yorqinligini oshiradi. Yangi panellar odatdagidan 20 foizgacha yupqaroq bo'lishi mumkin. iQOO 15 allaqachon M14 LEAD ekranidan foydalanmoqda, yangi avlod esa yuqori chastota va sifatni taqdim etishi kutilmoqda. Apple o'zining buklanuvchi qurilmasida ushbu yupqa ekrandan foydalanishi mumkin, bu esa telefon qalinligini kamaytirishga yordam beradi.