IFA 2026 ko‘rgazmasida AMD kompaniyasi bir trilliondan ortiq parametrdan iborat sun'iy intellekt modellarini lokal tarzda ishga tushiruvchi Threadripper Halo Station ish stansiyasini namoyish etdi. Mazkur qurilma tadqiqotchilarga bulutli xizmatlardagi qimmat xarajatlardan qochish imkonini beradi. Tizim Zen 5 arxitekturasiga asoslangan 96 yadroli Ryzen Threadripper PRO 9995WX protsessori va ikkita Instinct MI350P tezlatkichi bilan jihozlangan ⚡️ Shuningdek, u 2 terabaytgacha DDR5 operativ xotirani qo‘llab-quvvatlaydi. Umumiy quvvat sarfi taxminan 1550 vattni tashkil etgani sababli, AMD samarali sovutish uchun maxsus suyuqlik tizimini tanladi. Ushbu kuchli kompyuter 2027 yildan boshlab asosiy kompyuter ishlab chiqaruvchilari orqali sotuvga chiqariladi.