Mamlakatimizda futbol sohasini rivojlantirish, iqtidorli yoshlarni saralash hamda professional jamoalar uchun sifatli sport zaxirasini yaratishga qaratilgan chora-tadbirlar izchil davom ettirilmoqda. Prezidentimizning 2018 yil 16 martdagi sohaga oid qarori bu borada muhim dasturilamal bo'lib xizmat qilmoqda. Ushbu hujjat ijrosini ta'minlashda turli vazirlik va idoralar bilan bir қаторda yirik tadbirkorlik subyektlari ham faollik ko'rsatayotgani e'tiborga molik. Jizzax shahrida BMB Trade Group kompaniyasi va "So'g'diyona" professional futbol klubi o'rtasida muhim kelishuvga erishildi. Tomonlar o'rtasida titul homiyligi to'g'risidagi bitim imzolandi. Mazkur hamkorlik doirasida ajratiladigan moliyaviy mablag'lar klubning moddiy-texnika bazasini mustahkamlash, ilmiy-metodik imkoniyatlarini oshirish va mashg'ulotlar sifatini yaxshilashga yo'naltiriladi. Shuningdek, bolalar futbolini rivojlantirish hamda aholi o'rtasida sportning ushbu turini keng targ'ib qilish ham asosiy vazifalardan biridir. Hozirgi kunda "So'g'diyona" futbol klubi o'z oldiga qo'ygan professional maqsadlar sari dadil harakat qilmoqda. Buni jamoaning O'zbekiston Superligasida peshqadamlar safidan joy olib turgani ham yaqqol tasdiqlaydi. Rahbariyat murabbiylar va o'yinchilar uchun zarur shart-sharoitlarni yaratishga alohida e'tibor qaratmoqda. Klub huzurida maxsus akademiya, shuningdek, ayollar jamoasi va futzal bo'limi ham faoliyat yuritib, yosh iste'dodlarni tarbiyalashda o'z samarasini bermoqda. Jamoa siyosatiga ko'ra, chet ellardan qimmatbaho legionerlarni jalb qilish o'rniga, asosan o'z akademiyasi tarbiyalanuvchilariga tayaniladi. Maqsad – milliy terma jamoalar uchun salohiyatli va mahoratli o'yinchilarni yetkazib berishdir. Ma'lumki, Jizzax futbol maktabi o'tmishda Davron Fayziев, Жасур Ҳасанов, Сардор Рашидов, Азиз Ғаниев, Шароф Муҳиддинов va Баҳодир Пардаев каби taniqli futbolchilarni tarbiyalab chiqargan. BMB Trade Group bilan tuzilgan homiylik bitimi hududda ana shunday ulkan salohiyatni yanada yuzaga chiqarish va bolalar sportini rivojlantirishga xizmat qiladi.