AQSh ochiq chempionati o'zining hal qiluvchi pallasiga kirib bormoqda va musobaqa 10-sentyabr kuni o'z yakuniga yetadi. Sport olamidagi so'nggi xabarlarga ko'ra, amerikalik tennis yulduzi Kori Gauff turnir finaliga yo'llanmani qo'lga kiritdi. Yarim final bosqichida Gauff Chexiya vakili Karolina Muchova bilan kuch sinashdi. Qiziqarli va murosasiz kechgan uchrashuv ikki setda amerikalik tennischining g'alabasi bilan yakunlandi. O'yin 6:4 va 7:5 hisoblarida Kori foyjasiga hal bo'ldi. Bellashuv naqd 1 soat 57 daqiqa davom etdi. Bu vaqt mobaynida Gauff bitta eys amalga oshirdi, ikkita qo'shaloq xatoga yo'l qo'ydi hamda o'ziga taqdim etilgan o'nta breyk-poyntdan beshtasini muvaffaqiyatli amalga oshirdi. Musobaqa reglamentiga ko'ra, bosh sovrin uchun bahsda Kori Gauff Madison Kis (AQSh) hamda Arina Sobolenko (Belorusiya) o'rtasidagi qarama-qarshilik g'olibi bilan to'qnash keladi. Eslatib o'tamiz, o'tgan yili ushbu nufuzli turnirda polshalik Iga Shvyontek g'olib chiqqan edi.