AQShlik mashhur boks eksperti Den Rafael taniqli qozog'istonlik bokschi Gennadiy Golovkin atrofidagi so'nggi voqealarga munosabat bildirib, uning tarafini oldi. Ma'lum qilinishicha, 40 yoshli sportchi WBA yo'nalishi bo'yicha jahon chempioni unvonidan voz kechishga qaror qilgan. Bunga sabab sifatida Golovkinning regulyar chemp tashkil etilgan Erislandi Laraga qarshi jangni tashkil etish bo'yicha promouterlik savdolarida qatnashishdan bosh tortgani ko'rsatildi. Ushbu qarordan so'ng kubyalik bokschi tashkilot tomonidan o'rta vazn toifasidagi yagona chempion deya e'lon qilindi. Eslatib o'tamiz, bungacha GGG o'zining IBF kamaridan ham voz kechgan edi. Hozirgi kunda tajribali bokschining qo'lida faqatgina IBO chempionlik unvoni saqlanib qolgan. Ijtimoiy tarmoqlarda muxlislardan biri Golovkinni Laredan qochganlikda ayblab, uning yillar davomidagi chaqiruvlarga e'tibor bermaganini yozdi. Biroq Den Rafael bu iddaolarni qat'iyan rad etdi. U o'z bayonotida GGG hech qachon hech kimdan qochmagani, aksincha vaziyat har doim boshqacha bo'lganini ta'kidladi. Shuningdek, ekspert Lara va Falkaoning majburiy himoya janglari tijoriy jihatdan foydali emasligini qo'shimcha qildi.