Tajribali basketbolchi Kris Pol o‘tgan mavsum “Los-Anjeles Klippers” klubiga qaytishi dahshatli tushga aylangani va rahbariyat o‘zini o‘ta hurmatsiz tutganini ma’lum qildi. Jamoa mavsumni yomon boshlagach, uning sardorlik uslubi murabbiylar va rahbariyatga yoqmagan. Bor-yo‘g‘i 16 ta o‘yinda qatnashgan Pol dekabrda jamoadan chetlatilib, fevralda “Toronto”ga almashtirilgandi. Torontoliklar uni darhol safdan chiqargach, u faoliyatini yakunlagandi. 4076 ta golli uzatma bilan klub rekordchisi bo‘lgan Pol o‘z oilasi va o‘zi jamoaga bergan vaqtini qadrlamagan bu vaziyatdan qattiq ranjiganini ta’kidladi. 🛑