Ферстаппен Синagupurda ikkinchi bo'ldi 🏎

Singapur Gran-prisining saralash sinovlari yakunlariga ko'ra, Red Bull Racing jamoasi poygachilari turlicha natijalar qayd etishdi. Maks Ферстаппен ikkinchi vaqtni ko'rsatib, Zandvort bosqichidan beri ilk bor bahslarni start panjarasining dastlabki qatoridan boshlash huquqini qo'lga kiritdi. Uning jamoadoshi uchun esa kun omadsiz keldi va Serxio Peres o'n uchinchi natijani qayd etib, joriy mavsumda yettinchi bor kuchli o'nlikdan tashqaridan start olishga majbur bo'ladi.

Saralash yakunidan so'ng o'z fikrlari bilan o'rtoqlashgan Ферстаппен bu natija jamoa uchun yetarlicha yaxshi bo'lganini ta'kidladi. Uning so'zlariga ko'ra, juma kungi qiyin vaziyatdan so'ng mashina har bir urinishda yaxshilanib borgan. Hal qiluvchi bosqich murakkab kechgan, chunki uning birinchi davrasi qo'shaloq sariq bayroqlar sababli bekor qilingan. Shundan keyin deyarli barcha raqiblar singari uning ham bitta urinishi qolgandi, shuning uchun tavakkal qilmasdan xatosiz harakatlanish muhim edi. Natijada u ikkinchi vaqtni qayd etishga erishdi. Shinalar bilan bog'liq muammolar kuzatilmagan bo'lsa-da, ertangi poygada har qanday kutilmagan vaziyatlar yuzaga kelishi mumkinligini ham qo'shimcha qildi.

Serxio Peres uchun esa ikkinchi sessiya kutilmagan muammolar bilan yakunlandi. Birinchi sessiyada yaxshi o'sish kuzatilgan bo'lsa-da, ikkinchi qismda nima uchun natijaga erisha olmagani uning o'zi uchun ham sir bo'lib qoldi. Orqa shinalarning ishlamagani sababli u birinchi sessiyadagiga nisbatan ikki-uch o'ndan sekinroq harakatlangan va asosiy qiyinchiliklar shundan kelib chiqqan.

Jamoa uchun og'ir o'tayotgan ushbu dam olish kunlaridan so'ng, Peres ertangi uzun poygada imkon qadar yo'qotishlarni kamaytirishga harakat qilishini aytdi. Singapur trassasida quvib o'tish qiyin kechishini tushungan holda, u va jamoa strategiya ustida ishlab, ochko olish hamda yo'qotishlarni minimallashtirish uchun bor kuchini ishga solishini bildirdi.