KelpDAO LayerZero'ni sudga berdi ⚖️

KelpDAO loyihasini boshqaruvchi Evercrest Technologies kompaniyasi Britaniya Kolumbiyasining Oliy sudiga rasmiy da'vo ariza kiritdi. Da'vo materiallariga ko'ra, LayerZero o'z infratuzilmasining texnologik xavflari haqida yetarlicha ma'lumot bermagan. Da'vogarlar ta'kidlashicha, ular rasmiy tavsiya etilgan sozlamalarga amal qilgan va hujum ko'prikning o'zidan kelib chiqmagan.

LayerZero rahbari Brayan Pellegrino esa barcha da'nolarni asossiz deb atab, sud jarayonida o'z pozitsiyasini himoya qilishga tayyorligini ma'lum qildi. Kompaniya avvalroq e'lon qilgan hisobotida KelpDAO xavfsizlik sozlamalarida xatolikka yo'l qo'ygani va yagona tasdiqlovchidan foydalangani sababli yagona nosozlik nuqtasi paydo bo'lganini ta'kidlagandi.

Hodisa tafsilotlariga ko'ra, xakerlar 6 mart kunidan boshlab ijtimoiy muhandislik usullari yordamida dasturchilardan biriga hujum boshlagan. 18 aprel kuni esa bulutli muhitdagi ichki tugunlar o'zgartirilib, soxta tranzaksiyalar o'tkazilgan va natijada Kelp ko'prigi 116 500 ta rsETH tokenini yo'qotgan. Chainalysis tahlilchilari bu muammoni smart-kontrakt xatosi emas, balki blokcheyndan tashqari tekshiruv infratuzilmasiga qilingan hujum deb baholagan.

Qolaversa, avgust oyida butun kripto sohasida yirik xakerlik hujumlari soni o'sgani qayd etildi. Oy davomida 50 ta yirik buzilish sodir bo'lib, bu iyul oyidagi ko'rsatkichdan 67 foizga ko'pdir va umumiy zarar 136,3 million dollarni tashkil etdi.