Zano xavfsizlik nosozligi tufayli blokcheynni qayta boshladi 🔄

Zano loyihasi tarmoqdagi xavfsizlik zaifligi tufayli blokcheynni 3 833 000-blokdan boshlab qayta ishga tushirishga majbur bo'ldi. Ushbu favqulodda chora taxminan bir oylik tarmoq tarixini o'chirib tashladi va tranzaksiyalarni o'sha blokdan boshlab tikladi.

Tarmoqdagi nosozlik Gateway Address funksiyasi orqali tizimga ruxsatsiz ZANO va fUSD tokenlarining kirib kelishiga sabab bo'lgan. Shu bilan birga, loyiha vakillarining ta'kidlashicha, oddiy hamyon kalitlari va shaxsiy maxfiylik xavf ostida qolmagan. Ushbu voqea ortidan ZANO kriptovalyutasi qiymati yakshanba kuni davom etgan tiklanish jarayonida 24 soat ichida 12 foizdan ko'proqqa pasayib ketdi.

Muammoni bartaraf etish uchun barcha maynerlar, steykerlar, tugunlar, birjalar va pulllar yangilangan dasturiy ta'minotni o'rnatishi talab etiladi. O'chirilib ketgan bir oylik davrdagi tranzaksiyalar endilikda blokcheynning rasmiy qismi hisoblanmaydi. Loyiha jamoasi yetkazilgan zararni qo'shimcha tokenlar chiqarmagan holda, dasturchilar, jamoa va yirik egalarning mablag'lari hisobidan qoplashini bildirdi.

Mazkur zaiflik avgust oyida faollashtirilgan Hard Fork 6 yangilanishi bilan joriy etilgan Gateway Address mexanizmiga borib taqaladi. Ushbu manzil turi birjalar va to'g'ridan-to'g'ri integratsiyada qiynaladigan xizmatlar uchun mo'ljallangan bo'lib, hisob-kitob balansini saqlash imkonini bergan edi. Hozircha jamoa ushbu nosozlik qanday qilib ruxsatsiz aktivlarni keltirib chiqargani haqida to'liq texnik tushuntirish e'lon qilmadi.