Allegri: "Yigitlar endi dam olishi kerak" 🏆

"Yuventus" bosh murabbiyi Massimiliano Allegri Italiya kubogi finalida "Inter" jamoasidan uchralgan 2:4 hisobidagi mag‘lubiyatdan keyin matbuot anjumanida o‘z fikrlarini bildirib o‘tdi. Uchrashuv yakuniga ko‘ra mutaxassis jamoa bu o‘yindan tegishli xulosalar chiqarishini va yuzaga kelgan vaziyatdan saboq olishini ta’kidladi.

Allegri o‘z bayonotida joriy mavsum davomida "Inter"ni na A Seriya doirasidagi o‘yinlarda, na kubok finalida mag‘lub eta olmaganlarini tan oldi. Uning so‘zlariga ko‘ra, endi ortda qolgan bahslar haqida gapirishdan ma’no yo‘q, shu bois raqibni, o‘z shogirdlarini hamda hakamni yaxshi o‘yin o‘tkazgani uchun tabriklash joiz.

Shuningdek, murabbiy jamoaning umumiy mavsumdagi natijalariga to‘xtalib o‘tdi. Yanvar oyida o‘ta murakkab ko‘ringan vaziyatga qaramay, A Seriyada kuchli to‘rtlikdan joy olish orqali oldinga qo‘yilgan asosiy maqsadlarga muvaffaqiyatli erishilgani qayd etildi.

Mavsum yakunlangach, jamoa a’zolari uchun asosiy vazifa dam olish ekanligi aytildi. Allegri futbolchilar yozgi ta’tilda o‘z kuchini tiklab olishlari hamda kelasi mavsumda g‘alaba qozonish uchun to‘liq shay holda qaytishlari lozimligini qo‘shimcha qildi.