Tyson Fury Joshua bilan jang barbod bo'lganini aytdi 🥊

Og'ir vazn toifasida sobiq jahon chempioni Tyson Fury hamyurti Entoni Joshua bilan noyabr oyiga rejalashtirilgan o'zaro jang barbod bo'lganini malum qildi. 38 yoshli bokschi ijtimoiy tarmoqdagi sahifasi orqali Joshua ushbu to'qnashuvdan qochayotganini va endilikda yangi raqib qidirishga majbur ekanini bildirgan.

Avvalroq Fury va Joshua Saudiya Arabistonining Sela promouterlik kompaniyasi bilan noyabr oyida bo'lib o'tishi kutilgan britaniyaliklar derbisi uchun shartnoma imzolagan edi. Biroq BBC Sport malumotiga ko'ra, Sela va Netflix kompaniyalari ushbu qarama-qarshilikni Nyu-Yorkdagi mashhur Medison-skver-garden arenasida o'tkazishni afzal ko'rmoqda. Shu bilan birga, Entonining promouteri Eddi Xirn shartnomaga ko'ra jang aynan Buyuk Britaniyada bo'lib o'tishi shartligini ta'kidlagan.

Vaziyatdan kelib chiqib, Tyson Fury o'z e'tiborini ukrainalik chempion Oleksandr Usyk bilan uchinchi jangni tashkil etishga qaratdi. Usyk 2024 yilda Fury ustidan ikki bor g'alaba qozongan edi. Fury ijtimoiy tarmoqdagi murojaatida Usykni noyabr oyida ringga chiqishga chorlab, endi to'p uning maydonida ekanini aytdi.

Eslatib o'tamiz, iyul oyida Entoni Joshua Kristian Prengani nokautga uchratgan bo'lsa, Tyson Fury Mariusz Vax ustidan muddatidan oldin zafar quchgan edi. Hozirda Fury o'zining navbatdagi raqibi kim bo'lishini kutmoqda.