UzGoal
Sport Yangiliklari

Хоразмда «Дўстлик-2022» машғулотлари ўтказилади 🪖

1 daqiqa 0
Telegram
Хоразмда «Дўстлик-2022» машғулотлари ўтказилади 🪖

Хоразм вилоятидаги «Янгиариқ» полигонида ўзбек-ҳинд ҳарбийларининг «Дўстлик-2022» машғулотлари ўтказилиши режалаштирилмоқда.

Ўзбекистон ва Ҳиндистон Республикалари ўртасида имзоланган икки томонлама ҳарбий ҳамкорлик режасига мувофиқ, келгуси йилда «Дўстлик-2022» номли ўзбек-ҳинд қўшма ҳарбий ўқув машғулотларини ташкил этиш режалаштирилган. Ушбу халқаро миқёсдаги муҳим тадбир Хоразм вилоятида жойлашган Шимоли-ғарбий ҳарбий округга қарашли «Янгиариқ» умумқўшин полигонида ўтказилиши белгилаб қўйилган. Таъкидлаш жоизки, мазкур полигон ҳудудида шу вақтга қадар халқаро миқёсдаги ҳарбий машғулотлар ўтказилмаган бўлиб, бундай тадбир илк бор ташкил этилмоқда.

Бўлажак машғулотларга пухта тайёргарлик кўриш мақсадида Ҳиндистон томони вакиллари ҳамда Ўзбекистон ҳарбий расмийлари ўртасида видеоконференция шаклида онлайн учрашув ташкил этилди. Мазкур мулоқотда Тошкент шаҳридан Мудофаа вазирлиги офицерлари, Нукус шаҳридан Шимоли-ғарбий ҳарбий округ қўшинлари қўмондонлиги вакиллари, шунингдек, Ҳиндистон мудофаа идораси масъул шахслари иштирок этдилар. Музокаралар чоғида томонлар режалаштирилган тадбирларни амалга ошириш билан боғлиқ қатор масалаларни атрофлича муҳокама қилдилар.

Мулоқот жараёнида Шимоли-ғарбий ҳарбий округ қўшинлари қўмондонлиги томонидан «Янгиариқ» умумқўшин полигонининг замонавий жанговар имкониятлари, бу ерда яратилган шароитлар ҳамда амалий машғулотларни юқори савияда ўтказиш учун етарли бўлган ўқув-моддий базаси меҳмонларга намойиш этилди. Ҳиндистонлик ҳарбийлар ўз навбатида жорий йилнинг декабрь ойида юртимизга амалий ташриф билан келиш истаги борлигини маълум қилишди. Учрашув якунида бўлажак ўқув-машғулотларини юқори савияда ташкил этиш ва ўтказиш билан боғлиқ айрим муҳим масалалар юзасидан тегишли келишувларга эришилди.

Manba / Источник: Yangiliklar

Sizning reaksiyangiz

0 ta ovoz

😮
0%
😊
0%
😢
0%
😠
0%
🥱
0%
😵
0%

Bu yerda sizning reklamangiz bo‘lishi mumkin

Bosib Telegram orqali tahririyatga yozing — joylash 1 daqiqa.

Telegramga o‘tish

Ko‘p so‘raladigan savollar

Bu yangilik rasmiymi?

Tahririyat manba va rasmiy xabarlarni solishtirib chop etadi. Yangilanishlar shu sahifada chiqadi.

Qayerdan kuzatsam bo‘ladi?

UzGoal saytida va Telegram botida qisqa xulosa chiqadi.

Izohlar(0)

Havola yuborish taqiqlangan. Smayliklar mumkin.

  • Birinchi izohni yozing.

Sizga qiziq bo‘lishi mumkin