💍 52 kg oltin taqilgan kelin ishi yuzasidan tergov

Mamlakatimizda keng muhokamalarga sabab bo'lgan shov-shuvli to'y voqeasi bo'yicha rasmiy tekshiruv ishlari boshlab yuborildi. Bunga asosiy sabab sifatida to'y marosimida kelinga naqd 52 kilogramm og'irlikdagi oltin taqinchoqlar taqilgani ko'rsatilmoqda. Ushbu holat jamoatchilik e'tiborini tortgach, huquqni muhofaza qiluvchi organlar tomonidan darhol surishtiruv jarayonlari boshlandi.

Olib borilgan dastlabki tekshiruv va tergov harakatlari davomida, internetda va ijtimoiy tarmoqlarda tillaga “ko'milgani” aks etgan surat hamda videolar tarqalgan o'sha kelin ham tergov doirasida hibsga olindi. Hozirgi kunda mutasaddi idoralar tomonidan mazkur dabdabali to'yning qanday mablag'lar evaziga o'tkazilgani va boshqa tafsilotlar atroflicha o'rganilmoqda.

Eslatib o'tamiz, mazkur holat mamlakatimiz axborot maydonida eng ko'p muhokama qilinayotgan mavzulardan biriga aylangan edi. Tergov yakunlariga ko'ra qo'shimcha ma'lumotlar taqdim etilishi kutilmoqda.