Madridning "Real" klubi jamoaning hujum chizig'ini yanada kuchaytirish maqsadida yangi hujumchi izlashni davom ettirmoqda. Italiya matbuotida tarqalgan so'nggi xabarlarga ko'ra, "Everton" safida to'p surayotgan 24 yoshli ingliz hujumchisi Dominika Kalvert-Levin Ispaniya grandining jiddiy qiziqishiga sabab bo'lgan. Futbolchining transfer qiymati Transfermarkt mutaxassislari tomonidan taxminan 45 million evroga baholanmoqda. Hozirda ingliz klubi bilan tuzilgan amaldagi shartnoma 2025 yilning o'rtalariga qadar amal qilishi belgilangan. Biroq, "Real" bu futbolchi uchun kurashda yagona da'vogar emas. Malumotlarga ko'ra, Angliya Premyer-ligasining yana bir vakili - Londonning "Arsenal" jamoasi ham mazkur hujumchini o'z safiga qo'shib olish istagida. Dominik Kalvert-Levin Angliya chempionatining joriy mavsumida o'zini yaxshi tomondan ko'rsatishga ulgurdi. U dastlabki uchta uchrashuvda maydonga tushib, raqiblar darvozasiga uchta gol kiritishga muvaffaq bo'lgan.