⚽️ Aston Villa Ian Maatsen transferini hal qildi

Aston Villa yozgi transfer oynasi vaqtida oʻz tarkibini kuchaytirish boʻyicha faol harakatlarni boshladi. Klub chempionat va Yevropa maydonlaridagi raqobatbardoshligini oshirish maqsadida transfer bozorida muhim qadamlarni tashlamoqda. Jumladan, Birmingem jamoasi Londonning Chelsea klubi bilan chap qanot himoyachisi Ian Maatsen transferi boʻyicha kelishuvga erishgani maʼlum boʻldi.

Manbalarga koʻra, 22 yoshli futbolchi uchun toʻlanadigan summa uning avvalgi shartnomasidagi 35 million funtlik tovvon pulidan yuqoriroqni tashkil qiladi va turli qoʻshimcha bonuslar evaziga yana oshishi mumkin. Maatsen Villa Park stadionida olti yillik bitim imzolashi kutilmoqda va hozirda uning shaxsiy shartnomasi boʻyicha muzokaralar davom etmoqda.

Avvalroq futbolchi oʻtgan mavsum ijarada oʻynagan va Chempionlar ligasi finaligacha yetib borgan Dortmundning Borussia klubi qiziqishlari doirasida boʻlgan edi. Germaniya klubi uni doimiy ravishda sotib olishga harakat qilgan boʻlsada, ularning takliflari belgilangan muddatdagi shartlarni bajara olmagan. Maatsenning Chempionlar ligasida oʻynashni xohlashi hamda Aston Villa ushbu nufuzli musobaqada qatnashishi transferning muvaffaqiyatli yakunlanishida muhim omil boʻldi.

Transferlar doirasida klublar oʻrtasida boshqa harakatlar ham amalga oshirilmoqda. Aston Villa Everton hujumchisi Lyuis Dobbinni sotib olish uchun taklif kiritgan boʻlsa, oʻz navbatida liverpulliklar jamoasi Tim Iroegbunamni oʻz safiga qoʻshish boʻyicha muzokaralarni yakuniy bosqichga olib keldi. Shuningdek, Premyer-liga qoidalariga rioya qilish maqsadida klublar oʻz futbolchilarini sotish va tarkibni optimallashtirish ustida ish olib bormoqda.