⚽️ Semak "Spartak"ning xavfli futbolchisini aytdi

Sankt-Peterburgning "Zenit" klubi bosh murabbiyi Sergey Semak Rossiya chempionatining 8-turi doirasida o'tadigan markaziy o'yin oldidan mahalliy OAV vakillari bilan suhbatlashdi. Eslatib o'tamiz, poytaxtning "Spartak" va Peterburg jamoalari o'rtasidagi qarama-qarshilik 1-sentabr kuni Moskvada bo'lib o'tadi.

Matbuot anjumanida Semak raqib jamoa safiga kelib qo'shilgan yarim himoyachi Gus Tilning harakatlarini alohida e'tirof etdi. Murabbiyning fikricha, niderlandiyalik futbolchining maydonga tushishi "qizil-oqlar"ning o'yinini sezilarli darajada boyitgan va raqiblar uchun yanada xavfliroq qilgan.

Semakning ta'kidlashicha, har qanday murabbiy o'z jamoasida uchrashuv taqdirini yolg'iz o'zi hal qila oladigan shunday mahoratli futbolchi bo'lishini istaydi. U o'tgan mavsumda o'z jamoasi ham shunday zich taqvimda harakat qilgani va bu turnir jadvalidagi o'ringa ta'sir qilmasligini qo'shimcha qildi.

Shuningdek, mutaxassis Yevropa ligasi saralashidagi jamoalar darajasi yuqoriligini va guruh bosqichiga chiqish oson emasligini eslatib o'tdi. "Spartak" esa Rossiya chempionatidagi so'nggi turda "Krylya Sovetov"ga qarshi bahsda ishonchli o'yin namoyish etgan edi.

Ma'lumot uchun, "Spartak" hamda "Zenit" jamoalari o'rtasidagi prinsipial uchrashuv "Otkritie Arena" stadionida bo'lib o'tadi. Bellashuv Moskva vaqti bilan soat 19:00 da boshlanishi rejalashtirilgan.