🎾 Kanada va Germaniya Devis Kubogi finaliga chiqdi

Kanada va Germaniya terma jamoalari tennis bo‘yicha Devis Kubogining hal qiluvchi bosqichiga yo‘llanmani qo‘lga kiritdi. Kvebek shahrida Fransiyaga qarshi kechgan bahsda kanadaliklar 3:1 hisobida ustun keldi. Hal qiluvchi uchrashuvda dunyoning 5-raketkasi Feliks Oje-Aliassim Artur Rinderknechni 4:6, 7-6, 6:4 hisobida taslim etib, jamoasining g‘alabasini ta’minladi. Ushbu o‘yin Kanadada o‘tkazilgan Devis Kubogi musobaqalari tarixidagi eng ko‘p muxlis to‘plagan rekord natijani qayd etdi – bellashuvni 11 697 ishqiboz tribunadan kuzatib bordi.

Shu tariqa, 2022-yilgi chempion Kanada jamoasi noyabr oyida Boloniya shahrida bo‘lib o‘tadigan sakkizta jamoa qatnashadigan Final 8 bosqichida qatnashadigan bo‘ldi. Fransiya o‘z tarixida ilk bor Kanadaga qarshi o‘zaro o‘yinda mag‘lubiyatga uchradi.

Germaniya terma jamoasi ham o‘z navbatida Boloniyadagi musobaqaga yo‘l oldi. Halle shahrida o‘tgan bahsda Aleksandr Zverev yakkalik bahslarida ikkita g‘alaba qozonib, Germaniyaning 3:1 hisobidagi umumiy g‘alabasini rasmiylashtirdi. U yakshanba kuni Dino Prizmichni 6:2, 6:4 hisobida yengdi. Germaniya so‘nggi 33 yil ichida ilk bor chempionlik unvonini qo‘lga kiritish uchun kurashadi va ketma-ket uchinchi yordek chorak final bosqichiga chiqmoqda.

Dam olish kunlarida o‘tkazilgan boshqa saralash uchrashuvlarida ham muhim natijalar qayd etildi. Chexiya terma jamoasi Pragada AQShni 2:1 hisobidan ortda qolib, 3:2 hisobida taslim etdi. Janubiy Koreya Hindistonni 3:1 hisobida yengib, o‘z tarixida ilk bor chorak finalga chiqdi. Avstriya Belgiya ustidan 3:1 hisobida zafar quchib, Final 8 yo‘llanmasini qo‘lga kiritdi. Buyuk Britaniya Londonda Ekvadorni 4:0 hisobida mag‘lub etdi. Ispaniya esa Santyadoda Chili ustidan g‘alaba qozonib, saralashni muvaffaqiyatli yakunladi.