⚽ Taunsendni mashina bosib ketdi!

Angliya terma jamoasining sobiq yarim himoyachisi Andros Taunsend Tailand chempionatidagi navbatdagi uchrashuv oldidan kutilmagan va xavfli vaziyatga duch keldi. Hozirda Tailandning "Prachuap" klubi sharafini himoya qilayotgan 35 yoshli futbolchi "Pattani" jamoasiga qarshi bahs oldidan o‘tkazilgan chigal yozuv mashg‘ulotlari chog‘ida noxush holat qurboniga aylandi.

Ijtimoiy tarmoqlarda keng tarqalgan videolavhalardan ko‘rinishicha, tajribali vinger havoda kelayotgan to‘pni egallashga urinib yerga tushgan paytida bevosita maydon tekislovchi texnikaning harakat yo‘nalishiga yiqilib tushgan. Haydovchi chalg‘ib qolgani sababli maxsus mashina futbolchining oyoqlari va son qismidan bosib o‘tishga ulgurgan.

"Tottenhem" va "Kristal Pelas" klublarining sobiq futbolchisi bu to‘qnashuvdan jiddiy shikast ko‘rmagani e'tiborga molik. Hodisadan so‘ng u o‘zining ijtimoiy tarmoqdagi sahifasida mazkur videoni e'lon qilib, unga kulgili emojilar ilova qilgan holda hazilomuz tarzda izoh yozib qoldirgan.

Eng hayratlanarlisi shundaki, ushbu jarohat xavfidan keyin ham Taunsend safdagi holatini saqlab qoldi. U jamoasining raqib ustidan 3:0 hisobida g‘alaba qozon uchrashuvining so‘nggi daqiqalarida hatto zaxiradan maydonga ham tushishga muvaffaq bo‘ldi.

Ma'lumot uchun, o‘z vaqtida Angliya milliy terma jamoasi safida 13 ta uchrashuvda maydonga tushgan futbolchi joriy yilning avgust oyida "Kanchanaburi Pauer" jamoasidan "Prachuap" safiga ko‘chib o‘tgan edi.