Magomed Ankalayev nima uchun UFC 300'dan bosh tortdi? 🛑

UFC reytingining yarim og'ir vazn toifasidagi kuchli uchligidan joy olgan rossiyalik jangchi Magomed Ankalayev yaqinda bo'lib o'tadigan Aleks Pereyra hamda Jamal Xill o'rtasidagi chempionlik to'qnashuvi haqida o'z fikrlari bilan o'rtoqlashdi. Uning ta'kidlashicha, ushbu qarama-qarshilik un uchun o'ta ahamiyatli, chunki unga mazkur jang g'olibi bilan oktagonga chiqish va'da qilingan.

Sportchining so'zlariga ko'ra, unga UFC 300 turnirida to'g'ridan-to'g'ri Pereyrawa qarshi jang qilish taklif qilingan edi. Biroq shu oy musulmonlar uchun muqaddas bo'lgan Ramazon oyiga to'g'ri kelgani bois, u bu taklifni rad etishga majbur bo'lganini bildirdi.

Magomed faoliyati davomida turli sinovlarni boshdan kechirgani, qulay va noqulay raqiblar bilan jang qilganini esladi. Shuningdek, u o'zini tajribali jangchi deb bilishi va bo'lajak raqiblarining birortasidan ham xavf ko'rmasligini qo'shimcha qildi.

Ankalayev uchun kim g'olib chiqishining farqi yo'qligini, asosiy vazifa chempionlik kamarini qo'lga kiritish ekanini qat'iy ta'kidladi. Ma'lumot o'rnida, Xill va Pereyra ishtirokidagi asosiy jang 14 aprel kuni Las-Vegas shahrida bo'lib o'tadigan UFC 300 turnirini boshqarib boradi.