Formula-1 jahon chempionati 🏎

Formula-1 chempionati ochiq g'ildirakli avtomobillarda o'tkaziladigan eng nufuzli xalqaro halqa avtopoygasi hisoblanadi. Ushbu jahon pervenstosi Xalqaro avtomobil federatsiyasi (FIA) tomonidan boshqariladi va tashkil etiladi. Hozirgi kunda ushbu brend va musobaqaning egasi Liberty Media kompaniyasi sanaladi. Barcha qiziquvchilar chempionatningrasmiy veb-sayti orqali qo'shimcha ma'lumotlar bilan tanishishlari mumkin.

Turnir taqvimi Gran-pri maqomiga ega bo'lgan alohida bosqichlardan tashkil topgan. Har bir bosqich yakuniga ko'ra poygachilar va jamoalar o'z reytingiga ega bo'lib, yilning oxirida umumiy musobaqa g'oliblari rasman e'lon qilinadi. Chempionatda ishtirokchilar ikki yo'nalishda sovrinlar uchun kurash olib boradilar. Birinchidan, individual tarzda pilotlar shaxsiy jahon chempioni unvoni uchun bahslashadilar. Ikkinchidan, jamoalar o'zaro Konstruktorlar kubogini qo'lga kiritish maqomida raqobat qiladilar.

G'oliblarni aniqlash va taqdirlash jarayoni maxsus ballar tizimi asosida amalga oshiriladi. Unga ko'ra, har bir poygada marraga birinchi o'ntalig bo'lib yetib kelgan ishtirokchilar ochko jamg'arish imkoniyatiga ega bo'ladilar. Ballar quyidagi tartibda taqsimlanadi: birinchi o'rin uchun 25 ochko, keyingi o'rinlarga mos ravishda 18, 15, 12, 10, 8, 6, 4, 2 va eng oxirgi o'ninchi o'rin uchun 1 ochko beriladi.

Poygachilar tomonidan qo'lga kiritilgan ballarning barchasi ikki tomonlama hisoblanadi. Ular bir tomondan piloning shaxsiy hisobiga qo'shilib, uni jahon chempionligiga yaqinlashtirsa, ikkinchi tomondan xuddi shu ochkolar uning jamoasining umumiy g'aznasiga qo'shiladi va Konstruktorlar kubogi uchun kurashda hal qiluvchi ahamiyat kasb etadi.