Dvajt Pauell "Dallas" safiga qaytdi! 🏀

"Dallas Maveriks" klubi markaziy o'yinchi Dvajt Pauell bilan rasman yangi kelishuvga erishilganini e'lon qildi. Jamoa tarqatgan bayonotga ko'ra, tomonlar o'rtasidagi muzokaralar muvaffaqiyatli yakunlangan va basketbolchi yana Dallas safidan joy olgan. Klub, shuningdek, bo'lg'usi mavsumoldi yig'inida ishtirok etadigan 19 nafar sportchidan iborat ro'yxatni ham omchiga taqdim etdi.

Insayderlarning xabar berishicha, Pauellning minimal maoshga asoslangan shartnomasida qisman kafolatlangan shartlar mavjud. Agar o'yinchi mavsum boshlanishidan oldin jamoadan chetlatilmasa, uning kafolatlangan mablag' miqdori oshishi ko'zda tutilgan. Shartnoma tafsilotlariga ko'ra, dastlabki bosqichda u asosan yig'in doirasidagi taklif sifatida ko'rib chiqilgan va jamoani tayyorgarlik davridagi jarohatlardan himoya qiluvchi bandlarni o'z ichiga olgan.

Kanadalik faxriy o'yinchi yoz davomida klub rahbariyati bilan aloqada bo'lib, Dallasga qaytish niyatida ekanini yashirmagan. 35 yoshli basketbolchi yana kamida bir mavsum o'ynashni maqsad qilgani ta'kidlangan edi. U o'tgan mavsumda 63 ta uchrashuvda qatnashib, har bir o'yinda o'rtacha 3.3 ochko va 4.1 ta ribaund qayd etgan edi. Pauellning maydondagi foydali jihatlari unchalik katta bo'lmasa-da, uning jamoadagi yetakchiligi va professional yondashuvi yuqori baholanadi.

Hozirgi vaqtda Dallas klubida kafolatlangan standart shartnomaga ega 14 nafar o'yinchi mavjud. Pauellning asosiy tarkibdan joy olishi ehtimoli past ko'rinsada, jamoaning umumiy tarkibi yig'in qatnashchilari bilan birgalikda to'liq shakllantirilmoqda.