Xitoyda qayta tiklanuvchi energiya oshdi 📈

Xitoy Milliy energetika boshqarmasi taqdim etgan so'nggi ma'lumotlarga ko'ra, joriy yilning dastlabki besh oyi mobaynida mamlakatda qayta tiklanuvchi energiya manbalari quvvatlari barqaror ravishda kengaygan. Unga ko'ra, joriy yilning may oyi yakunlariga ko'ra Xitoyning umumiy o'rnatilgan energiya quvvati 2,24 milliard kilovattni tashkil qilgan.

Mamlakatda shamol va quyosh energetikasi sezilarli darajada o'sish ko'rsatkichlarini qayd etgan. Xususan, shamol elektr stansiyalari quvvati o'tgan yilning mos davriga nisbatan 34,4 foizga ko'payib, 290 million kilovattga yetgan. Shu bilan birga, quyosh energiyasi quvvati ham 24,7 foiz o'sishni qayd etib, 260 million kilovattni tashkil etgan.

Mazkur ko'rsatkichlar Xitoyning past uglerodli iqtisodiyotga o'tish yo'lidagi sa'y-harakatlarini yaqqol namoyon etadi. Hozirgi kunda mamlakat mazkur sohani yanada rivojlantirishga alohida e'tibor qaratmoqda.

Ma'lumot uchun, Xitoy hukumati oldiga muhim ekologik maqsadlarni qo'ygan bo'lib, unga ko'ra 2030-yilgacha atmosferaga tashlanadigan karbonat angidrid chiqindilari hajmini eng yuqori darajaga chiqarish va 2060-yilga borib uglerod neytralligiga erishish rejalashtirilgan.