Yangi Mbappega o'xshash transfer? Real PSJ himoyachisini kuzatmoqda ⚽️

Fransiyaning "Pari Сен-Жермен" klubi markaziy himoyachisi Presnel Kimpembe faoliyatini Ispaniya chempionatida davom ettirishi mumkinligi haqida xabarlar tarqaldi. Todofichajes ma'lumotlariga ko'ra, 29 yoshli tajribali futbolchining transferiga Madridning "Real" klubi qiziqish bildirmoqda va uning nomzodi ustuvor variantlardan biri sifatida ko'rib chiqilmoqda.

Joriy mavsumda "Qirollik klubi" o'zining himoya chizig'ida qiyinchiliklarga duch kelmoqda. Shu sababli rahbariyat va murabbiylar shtabi mudofaa chizig'ini ishonchli futbolchilar bilan kuchaytirish uchun munosib nomzidlarni faol ravishda qidirmoqda. Aynan shu omil tufayli parijliklar futbolchisi "qaymoqranglilar" e'tibor markaziga tushgan.

Fransuz futbolchisining Parij grandi bilan imzolagan amaldagi mehnat shartnomasi 2026 yilning iyun oyi oxirigacha amal qilishi ko'rsatib o'tilgan. Mashhur Transfermarkt portali mutaxassislari himoyachining bozor qiymatini to'qqiz million evro miqdorida baholamoqda.

Eslatib o'tamiz, bundan oldin ham "Pari Sen-Жермен" safidan "Real" safiga taniqli futbolchi ko'chib o'tgan edi. Xususan, fransiyalik hujumchi Killian Mbappe Parij klubidan Madrid jamoasiga o'tib, besh yillik shartnoma imzolagan edi.