"Nyukasl" "Arsenal"ga qarshi bahs oldidan ⚽

Angliya Premyer-ligasining navbatdagi turi doirasida "Arsenal" mehmoni bo'ladigan "Nyukasl Yunayted" jamoasi o'yin oldidan jiddiy kadrlar yo'qotishlariga duch keldi. "Magpies" o'tgan hafta "Bornmut"ga qarshi bahsda ketma-ket uchinchi mag'lubiyatini qabul qilib olgan edi.

Shu uchrashuvda jamoaning asosiy qanot vakillaridan biri Tino Livramento sonidan jarohat olib, muddatidan oldin maydonni tark etdi. Agar uning jarohati jiddiy bo'lib chiqsa, futbolchi mavsumning qolgan qismida ham maydonga tusha olmasligi mumkin. Hozircha tibbiy xulosa e'lon qilinmagan bo'lsa-da, uning "Arsenal"ga qarshi o'ynamasligi aniq bo'lib ulgurdi.

Shuningdek, jamoaning boshqa bir yetakchisi Entoni Gordon ham qovurg'a qismidagi muammolar tufayli Londondagi safarga bora olmaydi. Livramentoning yo'qligi himoya chizig'ida Kiren Trippierning asosiy tarkibga qaytishiga zamin yaratadi. Darvozani esa sobiq jamoasi maydoniga qaytayotgan Aaron Ramsdale qo'riqlashi kutilmoqda.

Biroq "Nyukasl" uchun barcha yangiliklar ham yomon emas. Sonidagi jarohati va bezovdalikni bartaraf etgan Bruno Gimaraes safga qaytdi va markazdagi o'rnini egallashi kutilmoqda. Shu bilan birga, Joelinton sariq kartochkalar 10 taga yetgani sababli o'zining ikki oylik diskvalifikatsiyasining ikkinchi qismini o'taydi.

Qanotlarda esa Gordonning yo'qligi sababli Harvi Barns o'z o'rnini saqlab qoladi. Entoni Elanga esa tajribaliroq Yakob Merfi tufayli asosiy tarkibdagi o'rnini boy berish xavfi ostida turibdi. Jamoaning taxminiy boshlang'ich tarkibi quyidagicha ko'rinish olishi mumkin: Ramsdale, Trippier, Thiaw, Botman, Hall, Guimaraes, Tonali, Miley, Murphy, Osula, Barnes.