Hansi Flik: "Rafinya meni ajablantirmayapti" ⚽

Kecha bo‘lib o‘tgan muhim uchrashuvdan so‘ng matbuot anjumanida qatnashgan bosh murabbiy Xansi Flik jurnalistlarning savollariga javob berdi. U jamoasining g‘alabasidan mamnunligini yashirmadi va maydonda ajoyib o‘yin namoyish etib, xet-трик qayd etgan Rafinyaning ko‘rsatayotgan natijalari uni ajablantirmayotganini aytdi. Mutaxassisning fikricha, futbolchining hozirgi formasi va uning tribunalar hamda jamoa bilan munosabati klub uchun eng to‘g‘ri qaror ekanini ko‘rsatmoqda. Rafinyaning yangi shartnoma masalasiga ham to‘xtalib o‘tildi.

O‘yinda darvozabon tanlovi bo‘yicha berilgan savolga javob berar ekan, murabbiy ba’zan tahlillarga emas, shaxsiy his-tuyg‘ularga tayanib qaror qabul qilish kerakligini ta’kidladi. U bu tanlov Shchensniyga bo‘lgan ishonchsizlik emasligi, shunchaki o‘sha bahs uchun eng maqbul variant sifatida ko‘rilganini tushuntirdi. Murabbiy uchun bu kabi qarorlar oson emasligini, ba’zi o‘yinchilar maydonga tushmayotgani unga og‘ir botishini, biroq har doim jamoa manfaatini ustun qo‘yish zarurligini qo‘shimcha qildi.

Shuningdek, jamoaning asosiy himoyachilaridan biri Kristensenning sog‘lig‘i haqida ham ma’lumot berildi. Mutaxassisning so‘zlariga ko‘ra, futbolchi muskulidan olgan jarohati sababli bir necha haftani o‘tkazib yuborishi mumkin, biroq aniq muddat tibbiy ko‘rik natijalaridan so‘ng ma’lum bo‘ladi.

Murabbiylar shtabi Rafinyani markaziy hujumchi pozitsiyasiga o‘tkazishga qaror qilgani va futbolchi hozirda bundan mamnun ekani ma’lum qilindi. Ikkinchi bo‘limdagi harakatlar esa mutaxassis tomonidan nihoyatda yuqori baholandi.