🔴 "Atletiko" Alvaresning goliga munosabat bildirdi

Madridning "Atletiko" klubi Chempionlar ligasining 1/8 final bosqichi doirasida "Real"ga qarshi kechgan dramatik o‘yindan so‘ng rasmiy bayonot bilan chiqdi. Ikki uchrashuv yakuniga ko‘ra hisob 2:2 ko‘rinishini olgan va g‘olibni aniqlash uchun penaltilar seriyasiga murojaat qilingan edi. Unda "qirollik klubi" 4:2 hisobida zafar quchgan.

Klub o‘z bayonotida hujumchi Xulian Alvaresning penaltilar seriyasida kiritgan goli VAR tizimi yordamida bekor qilingani va bu turnirdagi ishtirokning yakunlanishiga sabab bo‘lganiga hali ham ishonib bo‘lmayotganini ta’kidladi. "Atletiko" vakillari video-takrorlarni qancha ko‘p ko‘rib chiqishidan qat'i nazar, xato qaror o‘yin natijasini ortga qaytarmasligini yaxshi tushunishadi.

Madridliklar ushbu epizod jamoa uchun og‘ir oqibatlarga olib kelgani va barchani qattiq qayg‘uga solganini yashirishmadi. Mazkur holat millionlab muxlislarning orzularini parokanda qilib, butun jamoaning ko‘rsatgan ulkan sa'y-harakatlarini hech qilsa qilib yuborgani qayd etildi.

Shu munosabat bilan klub kelgusida bunday noxush holatlar takrorlanishining oldini olish uchun butun futbol jamoatchiligi birgalikda harakat qilishi lozimligiga urg‘u berdi.