O'zbekistonda golf karuselari ishlab chiqariladi 🇺🇿

O'zbekistonda avtomobilsozlik sanoati uchun yangi bo'lgan mahsulot – elektr golf karusellarini ishlab chiqarish yo'lga qo'yilishi rejalashtirilmoqda. Bu haqda "O‘zeltexsanoat" uyushmasining matbuot xizmati ma'lum qildi. Avvallari mamlakatimizda bunday turdagi elektr mahsulotlari ishlab chiqarilmagan edi.

Mazkur loyihani amalga oshirayotgan "Global OSB" korxonasiga "O‘zeltexsanoat" uyushmasi vakillari tashrif buyurishdi. Ular korxonaning ishlab chiqarishni boshlashga tayyorgarlik darajasini baholab, kelgusidagi istiqbollarni muhokama qilishdi. Shuningdek, tomonlar o'rtasida o'zaro hamkorlik masalalari yuzasidan fikr almashildi.

Jumladan, elektr golf karusellarini ishlab chiqarish uchun zarur bo'lgan butlovchi qismlarni mahalliy korxonalardan xarid qilish imkoniyatlari ko'rib chiqildi. Joriy yilning mart-aprel oylarida to'liq ishlab chiqarish jarayonini boshlash rejalashtirilgan.

Qiymati 1 million AQSh dollarini tashkil etuvchi mazkur loyiha doirasida elektr golf karusellarining turli qismlari, jumladan, deraza oynalari, bamperlar, korpus qismlari, shassi qoplamalari va o'rindiqlar ishlab chiqarilishini mahalliylashtirish ko'zda tutilgan.