Tан Ченг Хо: O'zbekiston bilan o'yin tajriba bo'ldi ⚽

Malayziya milliy terma jamoasi bosh murabbiyi Tan Cheng Xo O'zbekiston terma jamoasiga qarshi bo'lib o'tgan o'rtoqlik uchrashuvi xususida munosabat bildirdi. Eslatib o'tamiz, mazkur bahsda Malayziya vakillari 1:5 hisobida mag'lubiyatga uchragan edi.

O'yin yakunidan so'ng matbuot anjumanida qatnashgan mutaxassis O'zbekiston jamoasi har tomonlama ustun kelganini tan oldi. Uning fikricha, o'zbekistonliklar jamoaviy shakllanish va o'yin savdosi bo'yicha ulardan sezilarli darajada kuchliroq hisoblanadi.

Tan Cheng Xo raqib jamoaning maydondagi harakatlaridan o'rganish kerak bo'lgan jihatlar ko'pligini alohida ta'kidladi. Xususan, uchrashuvning umumiy tempi, futbolchilarning o'zaro kombinatsion harakatlari hamda jismoniy tayyorgarlik darajasi yuqori bo'lganini qayd etdi.

Shu bois, ushbu o'rtoqlik uchrashuvi Malayziya terma jamoasi futbolchilari uchun muhim saboq vazifasini o'tagani va kelgusdagi o'yinlar uchun yaxshigina tajriba bo'lgani aytib o'tildi.