Vasiliy Lomachenko operasiya qilindi 🥊

Sobiq jahon chempioni Vasiliy Lomachenko Las-Vegas shahrida Teofimo Lopesga qarshi bo'lib o'tgan birlashtiruvchi jangda mag'lubiyatga uchraganidan ko'p o'tmay, o'ng yelkasidan operatsiya qilindi. Ushbu qarama-qarshilik 17 oktyabr kuni bo'lib o'tgan bo'lib, hakamlarning yakdil qarori bilan ukrainalik bokschi mag'lub bo'lgan edi.

Ma'lum bo'lishicha, jiddiy jarohat sportchini jangoldi tayyorgarlik bosqichida ham bezovta qilgan. Og'riqlarni yengillashtirish maqsadida unga turli xil ukollar qilingan. Bokschi Ukrainadan oxirgi tayyorgarlik bosqichi uchun kelganida yelkasida muammolar borligi aniqlangan edi.

Jarrohlik amaliyotini Los-Anjelesdan kelgan mashhur ortoped Nil Elatrache amalga oshirdi. Shifokorning so'zlariga ko'ra, bokschi jangdan taxminan olti hafta oldin aylantiruvchi manjetni va uning biriktirilgan suyak qismini jarohatlagan. O'shanda tog'ay bo'lagi ham uzilib ketgani ma'lum bo'ldi.

Operatsiya jarayonida shifokorlar gemorragik qalinlashgan bursitni davolashdi. Shuningdek, sportchining oldin Xorxe Linaresga qarshi jangda chiqib ketgan yelkasining ichki qismidagi tog'ay ham jarohatlangani aniqlanib, shifokor ochiq qolgan tog'ayni yopish uchun kichik tuzatishlar kiritgan.

Tibbiy muolajalardan so'ng tiklanish jarayoni boshlangan. Prognozlarga ko'ra, Vasiliy Lomachenko kelasi yilning yanvar oyi o'rtalaridan boshlab o'z mashg'ulotlarini yana davom ettirishi mumkin bo'ladi.