Asalhoney qotilligida gumonlanuvchi qo'lga olindi 🚨

Mashhur bloger Asalhoney’ning o'ldirilishi ortidan huquq-tartibot idoralari tomonidan amalga oshirilayotgan tezkor harakatlar davom etmoqda. "Daryo" nashrining Bosh prokuraturadagi o'z manbalariga tayanib xabar berishicha, jinoyatni sodir etganlikda gumon qilinayotgan shaxs nihoyat qo'lga olingan.

Hozircha tergov organlari gumonlanuvchining shaxsi va boshqa tafsilotlarni sir saqlamoqda. Rasmiylarning tushuntirishicha, bunday ehtiyotkorlik choralari tergov jarayoniga xalal bermaslik hamda ish bo'yicha haqiqatni to'laqonli yuzaga chiqarish maqsadida qo'llanilmoqda.

Ma'lumot uchun, bloger Asalhoney o'z uyida o'ldirilgan holda topilgan edi. Ushbu fojiali voqeadan so'ng huquq-tartibot idoralari darhol qasddan odam o'ldirish alomatlari bilan jinoyat ishi qo'zg'atib, tergov harakatlarini boshlagan edi. Shuningdek, internet tarmoqlarida mazkur jinoyat ishi doirasida tayinlangan sud-tibbiy ekspertizasining natijalari haqidagi ma'lumotlar ham tarqalgan bo'lib, tergov davom etmoqda.