V. Bistrov: "Ayollar erkaklar JChda ishlamasligi kerak" ⚽

"Spartak" va "Zenit" jamoalarining sobiq yarim himoyachisi Vladimir Bistrov ayollar futbol hakamlarining erkaklar o'rtasidagi jahon chempionatlarida ishlashiga qarshi chiqdi. Uning so'zlariga ko'ra, ayol hakamlar faqat ayollar mundialidagi bahslarni boshqarishi maqsadga muvofiq bo'ladi.

Mutaxassis erkaklar va ayollar futboli o'rtasida sezilarli tafovutlar borligini ta'kidladi. Uning fikricha, bu o'yinlarda tezlik ham, vaziyatni baholash ham bir xil emas. Bistrov bu urinishni sun'iy deb atab, erkaklar turnirlariga ayol hakamlarni jalb qilmaslik kerakligini qo'shimcha qildi.

Eslatib o'tamiz, Qatarda bo'lib o'tgan jahon chempionatining guruh bosqichida fransuz hakami Stefani Frappar Germaniya hamda Kosta-Rika terma jamoalari o'rtasidagi uchrashuvni boshqarib borib, erkaklar turnirida ishlagan tarixdagi ilk ayol hakamga aylangan edi.

Biroq Bistrov bu tajribani tanqid qilib, ayrim hakamlar o'yin davomida xatolarga yo'l qo'yganini va vaziyatlarga ulgurmaganini aytdi. Sobiq futbolchi bunday holatlar tomosha sifatiga salbiy ta'sir ko'rsatishini ta'kidlab, mamnuniyat bilan ayol hakamlar "Spartak" va "Zenit" uchrashuvida bo'lmaganini qo'shimcha qildi.