Rossiyada rus tilini bilmaydiganlarga rad javob beriladi 🇷🇺

Rossiya rasmiylari chet elliklarga migratsiya maqomini berishda nazoratni kuchaytirmoqda. Endi rus tilini bilmaydigan shaxslarga, hatto ularning qo‘lida barcha zarur sertifikatlari bo‘lsa ham, bunday maqomlar berilmaydi. Bu haqda Rossiya IIV rasmiy vakili Irina Volk ma’lum qildi 👩‍✈️ Uning so‘zlariga ko‘ra, so‘nggi uch yilda ruxsatnomalar berish jarayonida sertifikati bo‘la turib, rus tilini hatto minimal darajada ham bilmaydigan 14 mingdan ortiq holat aniqlangan. Fuqarolikka kirishda ham tilni bilishni amalda tasdiqlash majburiy bo‘ladi 📋 Avvalroq Fan va oliy ta’lim vazirligi imtihonga majburiy og‘zaki qismni qo‘shish g‘oyasini qo‘llab-quvvatlagan edi.