⚽️ Braziliya va Chili: Marakanadagi so'nggi o'yin

Braziliya terma jamoasi 2026 yilgi jahon chempionati saralash bosqichi doirasidagi o'zining so'nggi uy uchrashuvini payshanba oqshomida Chili termasiga qarshi Marakana stadionida o'tkazadi. Ushbu bahs mezbonlar uchun hech qanday ahamiyatga ega emas, chunki "Selekao" iyun oyidayoq mundial yo'llanmasini naqd qilgandi. Shunga qaramay, jamoa uchun saralash yo'li ancha tartibsiz va qiyin kechdi.

Braziliya jamoasini hozirda Karlo Anchelotti boshqarmoqda. Uning qo'l ostida jamoa Ekrador bilan nursiz durang o'ynadi va o'z uyida Paragvayni minimal hisobda mag'lub etdi. Shu tariqa, braziliyaliklar so'nggi sakkizta o'yinning faqat bittasida mag'lub bo'lishdi. Hozirda ular peshqadam Argentinadan 10 ochko ortda qolmoqda.

Chili terma jamoasi uchun esa bu saralash bosqichi haqiqiy kabusga aylandi. Sentyabr oyida Boliviyadan uchralgan mag'lubiyat ularning ketma-ket uchinchi bor mundialdan chetda qolishini ta'minladi. Shundan so'ng bosh murabbiy Rikardo Gareka iste'foga chiqib, uning o'rnini vaqtincha Nikolas Kordova egalladi. Chili safar o'yinlarida bor-yo'g'i bitta ochko jamg'argan va 2025 yilda rasmiy o'yinlarda hali gol ura olmadi.

Tarkib masalasiga kelsak, Anchelotti "Real Madrid" sobiq ustozi sifatida Vinisius Junior, Rodrigo, Eder Militao va Endrikni tarkibga chaqirmadi. Markinyos terma jamoadagi 1sentabr yubiley – yuzinchi o'yinini o'tkazishi kutilmoqda. Biroq unga tajribasiz himoyachilar sherik bo'ladi. Mateyus Kunya esa "Manchester Yunayted" safida olgan jarohati sababli bu safardan chetda qoldi.