Usman Nurmagomedovning UFCdagi raqibi aniqlandi 🥊

Fransiyalik aralash yakkakurashlar ustasi Benua Sen-Deni UFC promoushenidan rossiyalik charm qo'lqop ustasi Usman Nurmagomedov bilan oktagonda to'qnash kelish taklifini oldi. Ushbu ma'lumotni o'zining ijtimoiy tarmoqdagi sahifasida taniqli insayder Ruben Karter e'lon qildi.

Unga ko'ra, agar Usman Nurmagomedov kelasi oy Amerikaning nufuzli ligasi bilan rasmiy shartnoma tuzsa, Benua Sen-Deni uning UFCdagi ilk raqibiga aylanishi kutilmoqda. Tomonlar o'rtasidagi ushbu qarama-qarshilik joriy yilning 14-noyabr sanasida Nyu-York shahridagi mashhur «Medison-Skver-Garden» majmuasida bo'lib o'tadigan UFC 334 turniri doirasida o'tkzilishi rejalashtirilgan.

Ma'lumot o'rnida, Usman Nurmagomedov PFL ligasi bilan tuzgan kelishuvi muddati nihoyasiga yetgach, erkin agent maqomini olgandi. U ilgariroq ushbu tashkilotning har bir jang uchun 2 million dollar miqdoridagi taklifini rad etgan edi. Hozirda mag'lubiyatsiz odimlayotgan chempionning UFCga o'tish ehtimoli keng muhokama qilinmoqda.

Xususan, UFC rahbari Dana Uayt mazkur yosh chempionni o'z tashkilotiga jalb etish niyatida ekanini ochiqchasiga ma'lum qildi. Shuningdek, ligadagi taniqli sportchilar Islom Maxachev va Arman Saryukyan ham ushbu jangchining engil vazn toifasidagi kuchli o'ntarlik vakillaridan biriga qarshi debyut qilish ehtimolini faol muhokama qilishmoqda.