⚽️ Akinfeyev Fayzullayev oshini maqtadi

Moskvaning SSKA futbol klubi sardori Igor Akinfeyev "SmAki" nomli klub shousi efirida jamoa yarim himoyachisi Abbosbek Fayzullayevning oshpazlik borasidagi iqtidori haqidagi taassurotlari bilan o'rtoqlashdi. Tajribali darvozabon o'zbekistonlik legioner jamoadagi sheriklarini mazali osh bilan xursand qilib turishini alohida ta'kidlab o'tdi.

Biroq futbolchining so'zlariga ko'ra, mazkur taomni Abbosbekning o'zi emas, balki restoranda ishlaydigan uning tanish oshpazi tayyorlaydi. Tayyor osh keyinchalik klub bazasiga olib kelinadi. Akinfeyev bu taom haqiqatan ham juda mazali ekanini tan oldi.

Shuningdek, SSKA posboni mazali osh tayyorlash chinakam san'at ekanini va bu faqat o'zbek millatiga mansub kishilargagina xos emasligini bildirdi. Uning fikricha, osh tayyorlash sirini egallagan istalgan malakali bosh oshpaz bu taomni ajoyib qilib pishira oladi.

Ma'lumot o'rnida eslatib o'tamiz, Abbosbek Fayzullayev 2023 yilning boshida Moskvaning SSka klubi safiga ko'chib o'tgan edi. O'shandan beri u jamoaning asosiy tarkib futbolchilaridan biriga aylandi va o'zining maydondagi harakatlari bilan bir qatorda jamoadagi iliq muhitga ham o'z hissasini qo'shib kelmoqda.