⚽️ 2026-yilgi “Oltin to‘p” da’vogarlari

Fransiyaning nufuzli L’Equipe nashri kelgusi yil o‘tkaziladigan “Oltin to‘p” mukofoti uchun asosiy da’vogar bo‘lgan besh nafar futbolchi ro‘yxatini e’lon qildi. Mazkur ro‘yxat futbol jamoatchiligi e’tiborini tortdi, chunki kuchli beshlikdan Angliya Premyer Ligasida o‘ynaydigan birorta ham sportchi o‘rin olmadi.

Nashrning birinchi sahifasidan o‘rin olgan asosiy da’vogarlar qatoriga “Bavariya” hujumchisi va Angliya terma jamoasi vakili Harri Keyn, “Inter Mayami” sharafini himoya qilayotgan argentinalik hujumchi Lionel Messi kiritildi. Shuningdek, da’vogarlar safidan “Barselona” klubining ispaniyalik iqtidorli futbolchisi Lamin Yamal, “Real Madrid” hujumchisi Kilian Mbappe hamda “PSJ” safida to‘p tepayotgan Usmon Dembele ham joy oldi.

Ta’kidlash joizki, amaldagi “Oltin to‘p” sovrindori aynan Usmon Dembele hisoblanadi. Fransiyalik futbolchi 2025-yilda o‘tkazilgan ovoz berish natijalariga ko‘ra ushbu nufuzli mukofotni qo‘lga kiritgan edi.

2026-yilgi “Oltin to‘p” topshirish marosimi 26-oktyabr kuni Angliya poytaxti London shahrida bo‘lib o‘tadi. Ushbu tadbirkorlik o‘ziga xos tarixga ega bo‘lib, bu galgi taqdirlash marosimi mukofot tarixidagi 70-yubiley marosim sifatida qayd etiladi. G‘olibni aniqlash jarayoni an’anaga ko‘ra ovoz berish yo‘li bilan amalga oshiriladi. Bunda FIFA reytingining dastlabki yuztaligiga kiruvchi davlatlardan bir nafardan jami 100 nafar sport jurnalisti ishtirok etib, o‘z ovozini beradi.