Antonio Konte «Nyukasl»ni rad etdi ❌

Italiyalik taniqli mutaxassis Antonio Konte «Nyukasl» klubining bosh murabbiylik taklifini qabul qilmadi. Xabarlarga ko‘ra, yaqinda yangi xo‘jayinlar qo‘liga o‘tgan ingliz klubi sobiq murabbiyga o‘z shartlarini taklif qilgan, biroq ijobiy javob ololmagan.

Konte o‘z vaqtida «Inter», «Yuventus» va «Chelsi» kabi nomdor jamoalarni boshqargani bois, uning nomzodi ingliz klubi uchun ustuvor variantlardan biri bo‘lgan edi. Biroq kelishuv amalga oshmadi va rahbariyat boshqa mutaxassislarni ham o‘rganishni boshladi.

Ma'lumotlarga ko‘ra, «Nyukasl»ning yangi rahbariyati hozirda Stiven Jerrard hamda Frenk Lempard nomzodlarini ham jiddiy ko‘rib chiqmoqda. Klubni kuchaytirish va yangi bosqichga olib chiqish uchun bosh murabbiy masalasi tez orada hal etilishi lozim.

Ayni paytda «Nyukasl» jamoasiga Stiv Bryus ustozlik qilmoqda. Biroq uning qo‘l ostidagi natijalar muxlislarni ham, rahbariyatni ham qanoatlantirmayapti. Joriy Angliya Premyer-ligasi mavsumining dastlabki 7 ta turidan so‘ng jamoa bor-yo‘g‘i 3 ochko jamg‘argan holda turnir jadvalining eng quyi, so‘nggi pog‘onasini egallab turibdi.