“Hududiy elektr tarmoqlari” AJning 2022-yilgi faoliyati ⚡

O'zbekiston Respublikasi Prezidentining 2019-yil 27-martdagi qaroriga muvofiq tashkil etilgan “Hududiy elektr tarmoqlari” aksiyadorlik jamiyati mamlakatimizdagi hududiy tarmoq korxonalarini boshqarib, elektr energiyasini yakuniy iste'molchilarga yetkazib berish va taqsimlash ishlarini amalga oshiradi. Jamiyat tarkibiga 12 ta hududiy filial, shuningdek, Buxoro va Farg'ona hududiy elektr tarmoqlari korxonalari kiradi. Ular 0,4 dan 110 kilovoltgacha bo'lgan tarmoqlarni boshqarish, yangidan qurish, rekonstruksiya qilish va ta'mirlash ishlarini bajaradi. Bundan tashqari, tuzilmada yana uchta maxsus filial faoliyat yuritmoqda.

Korxona ma'lumotlariga ko'ra, respublika bo'ylab 224 ta tuman va shahar elektr ta'minoti korxonalari, minglab podstansiyalar, transformator punktlari hamda yuz minglab kilometr uzunlikdagi elektr uzatish liniyalari orqali aholi va iqtisodiyot tarmoqlariga xizmat ko'rsatiladi. Xususan, 2022-yilda jami 68,0 milliard kVt-soat elektr energiyasi yetkazib berilgan bo'lib, shundan 7,4 million nafari maishiy iste'molchilar va 390,3 ming nafari yuridik shaxslar hissasiga to'g'ri keldi. O'tgan yilgi ko'rsatkichlarning o'sish sur'ati 2021-yilning mos davriga nisbatan 105,6 foizni tashkil etdi.

Iste'molchilar talabini to'laroq qondirish va elektr energiyasi bilan uzluksiz ta'minlash maqsadida 2022-2023-yilgi kuz-qish mavsumiga tayyorgarlik ko'rildi. Xususan, hisobot davrida 28 020,8 kilometr tarmoqlar hamda 9 685 ta transformator punkti mukammal ta'mirdan chiqarildi. Shuningdek, 35-110 kilovoltli podstansiyalardagi 86 ta kuch transformatori va 377 ta o'chirgich to'liq yangilandi. Ko'rilgan chora-tadbirlar natijasida respublikadagi 3,5 mingdan ortiq mahalla va qishloqlarda yashovchi qariyb 3,7 million aholi hamda 210 ming tadbirkorlik subyektining elektr ta'minoti yaxshilandi.

Shu bilan birga, o'tgan yili investitsiya loyihalarini hayotga tatbiq etish, tarmoqni raqamlashtirish va zarur jihozlarni mahalliychilik asosida ishlab chiqarishga alohida e'tibor qaratildi. Prezidentning tegishli qaroriga asosan, o'tgan yilda “Hududiy elektr tarmoqlari” AJ tomonidan umumiy qiymati 84,14 million dollarni tashkil etgan 5 ta yirik investitsiya loyihasi muvaffaqiyatli amalga oshirildi.