Metts Fitspatrik Yaqin Sharqdagi vaziyatdan xavotirda 🏌️‍♂️

Mashhur golfchi Metts Fitspatrik Yaqin Sharqdagi hozirgi mojarolar tinchmasa, noyabr oyida Dubayda bo‘lib o‘tadigan DP World chempionatida qatnashishni istamasligini ma’lum qildi. Ayni paytda 32 yoshni qarshilagan sportchi AQSh va o‘z vatani Angliyada o‘qib-eshitayotgan xabarlari unga bu mintaqaga borishda xotirjamlik bermasligini ta’kidladi. Uning so‘zlariga ko‘ra, vaziyat shunday davom etsa, chempionatga borish g‘alati tuyuladi.

Ispaniyalik Jon Ram ham mavsum yakunidagi ushbu ikki musobaqa atrofidagi noaniqliklarga to‘xtalib o‘tgan edi. Fitspatrikning aytishicha, uning agentiga iyun oyigacha yakuniy qaror e’lon qilinishi aytilgan bo‘lsa-da, hanuzgacha aniq javob berilmagani uning noroziligiga sabab bo‘lmoqda.

Shunga qaramay, turnir matbuot kotibi barcha musobaqalar reja bo‘yicha BAAda o‘tkazilishini tasdiqladi. Tashkilotchilar xalqaro sayohat maslahatchilari ko‘magida vaziyatni diqqat bilan kuzatib borayotganini va yakuniy qarorni qabul qilish har bir o‘yinchining o‘ziga havola ekanini bildirdi.

Dunyo reytingida 4-o‘rinni egallab turgan Fitspatrik PGA Tour'ning to‘laqonli a’zosi hisoblanadi. U hozircha vaziyatni kuzatish yo‘lini tanlagan bo‘lib, "Race to Dubai" reytingida 56-o‘rinda bormoqda va pley-off oldidan o‘z mavqeini yaxshilash maqsadida Angliyadagi Uentvort klubida musobaqaga tayyorgarlik ko‘rmoqda.