✈️ O‘zbekistonda koronavirus testi bekor qilindi

O‘zbekistonda mamlakat chegara punktlaridan kirib kelayotgan barcha yo‘lovchilardan koronavirusga test topshirishni talab qilish amaliyoti to‘xtatildi. Ushbu o‘zgarish Respublika koronavirusga qarshi kurashish komissiyasi tomonidan 25-yanvar kuni tasdiqlandi.

Yangi tartibga ko‘ra, endilikda faqatgina o‘zida so‘nggi 48 soat mobaynida olingan test ma’lumotnomasiga ega bo‘lmagan shaxslaragina koronavirus testi topshirishi majburiy etib belgilandi. Qolgan keluvchilardan qo‘shimcha tahlil topshirish talab etilmaydi.

Ma’lumot uchun, joriy yilning 15-yanvaridan e’tiboran mamlakatga kelgan barcha fuqarolar, ularda oxirgi sutkalar davomidagi tahlil natijalari mavjudligidan qat’i nazar, majburiy tartibda test topshirishga majbur edi. Ushbu qoida kelib tushayotgan fuqarolar orasida ko‘plab e’tirozlar va noroziliklarga sabab bo‘lgan edi.