ЕЧЛ гуруҳлари: Плей-офф имкониятлари ⚽

Кеча 67-бор ташкил этилаётган Европа Чемпионлар Лигасининг гуруҳ босқичи учун қуръа ташлаш маросими ниҳоясига етди. Мазкур муҳим жараёндан сўнг футбол жамоатчилиги эътибори гуруҳлардаги вазият ҳамда жамоаларнинг плей-офф босқичига чиқиш имкониятларини баҳолашга қаратилди.

А гуруҳида иккита яққол фаворит – "Манчестер Сити" ва ПСЖ ўрин олган бўлиб, улар гуруҳ ғолиблиги учун кураш олиб боради. "Лейпциг" эса мазкур грандларга етарлича бош оғриқ туғдириши кутилмоқда, Бельгиянинг "Брюгге" клуби эса аутсайдер саналади. Б гуруҳи эса жорий мавсумдаги энг кучли квартет деб эътироф этиляпти, чунки тўртчала жамоада ҳам кейинги босқичга чиқиш имконияти бор, бироқ "Атлетико" ва "Ливерпуль" бироз олдинда баҳоланмоқда.

С гуруҳида Эрлинг Холанд етакчилигидаги Дортмунднинг "Боруссия" клуби имкониятлари юқори қўйилаётган бўлса, D гуруҳида Италия ва Испания грандлари биринчи ўрин учун курашиши кутиляпти. Е гуруҳида "Бавария" ва "Барселона"нинг плей-оффга чиқиши тахмин қилинмоқда, аммо "Бенфика" ва Киевнинг "Динамо"си бу режаларни ўзгартириши ҳам мумкин. F гуруҳида ўтган мавсум Европа Лигаси финалчилари ва ҳужумкор ўйин кўрсатадиган "Аталанта" бор.

G гуруҳи энг заиф квартет сифатида тилга олинаётган бўлиб, тажрибали "Севилья" бироз устунлик қилиши кутиляпти. Ҳ гуруҳида эса амалдаги чемпион "Челси" ва "Ювентус" муаммосиз кейинги босқичга йўл олиши мумкинлиги айтилмоқда. Умуман олганда, жорий мавсум гуруҳ босқичида жуда қизиқарли ва муросасиз баҳслар мухлисларни кутиб турибди.