Ronaldu "Manchester Siti"ga o'tishi mumkin ⚽

So'nggi kunlarda «Yuventus» hujumchisi Krishtianu Роналдунинг «Manchester Siti»ga o'tish ehtimoli haqidagi xabarlar jadal sur'atda oshib bormoqda. Portgaliyalik futbolchining yaqinda mashg'ulotlarni muddatidan avval tark etgani, "Manchester Siti" o'yinchilari bilan ehtimoliy transferni muhokama qilgani hamda «Yuventus» rahbariyatidan o'zini sotishni talab qilgani bu mish-mishlarga asos bo'lmoqda.

«Manchester Siti» tarkibi ayni damda yetarlicha shakllangan bo'lsa-da, jamoaga hujumlarni muvaffaqiyatli yakunlaydigan markaziy hujumchi yetishmayapti. Serxio Aguero «Barselona»ga o'tib ketgani, Gabriel Jezusning esa jarohatlarga moyilligi va avvalgi sport formasini yo'qotgani bu muammoni yanada yaqqol ko'rsatmoqda. Klub avvalroq Erling Xoland, Harri Кейн hamda Robert Levandovskiga qiziqish bildirgan bo'lsa-da, turli sabablarga ko'ra bu transferlar amalga oshmadi. Kelasi mavsumda erkin agentga aylanadigan Krishtianu Ronaldu esa maoshi kamayishiga qaramay, ushbu variantni jiddiy ko'rib chiqmoqda.

Agar tajribali hujumchi «shaharliklar» safiga qo'shilsa, Pep Gvardiola uning atrofida turli hujum chizig'i variantlarini shakllantirishi mumkin. Birinchi variant sifatida Grilish, Ronaldu va Mahrez uchligini ko'rish mumkin, bu yerda Kevin de Bryuyvening uzatmalari muhim rol o'ynaydi. Ikkinchi variantda Sterling va Foden kabi o'yinchilar tajribali afsonaga yordam berishlari mumkin. Uchinchi variant esa Ferran Torres hamda Bernardo Silva ishtirokidagi kombinatsiyalarni o'z ichiga oladi.

Gabriel Jezus esa jamoada qolgan taqdirda ko'proq zaxirada qolishi yoki Ronaldu charchagan paytda uning o'rnini egallashi mumkin. Agar Jezus klubni tark etsa ham, Gvardiola bu pozitsiyani Sterling, Torres yoki Bernardo Silva yordamida yopish imkoniyatiga ega bo'ladi.