Misr futbolida taqiq: 3 ta klub 🚫

Misr futbol assotsiatsiyasi mamlakat Oliy ligasining bo'lajak yangi mavsumi boshlanishi oldidan uchta professional klubga nisbatan transfer taqiqini qo'llash haqida qaror qabul qildi. Ushbu chempionat 2025/2026-yilgi mavsum uchun 2025-yilning 8-avgustida boshlanib, 2026-yilning may oyi oxirigacha davom etishi rejalashtirilgan.

"Batalat" nashriga ma'lum qilinishicha, taqiq ostida qolgan jamoalar "Zamalok", "Ismoiliy" hamda "Farko" klublari hisoblanadi. Bungacha mazkur tashkilotlar oldida yuzaga kelgan va hal etilishi lozim bo'lgan qarzdorliklar sabab qilib ko'rsatilgan.

Ayni paytda "Zamalok" yozgi transfer oynasi vaqtida hozirgacha sakkiz nafar yangi futbolchini o'z safiga qo'shib ulgurgan edi. Ularning qatoriga darvozabon Al-Mahdiy Sulaymon, Amr Nosir, Ahmad Sharif, Ahmad Robiy, Muhammad Ismoil, shuningdek, falastinlik Odam Kayd, angolalik Shiko Banza va marokashlik Abdulhamid Maali kiradi.

Shu bilan birga, "Ismoiliy" klubi o'tgan mavsumdan beri Xalqaro futbol federatsiyasi – FVV tomonidan ham transfer taqiqiga uchrash xavfi ostida qolayotgani ma'lum bo'ldi. Avvalroq, yakshanba kuni Misr professional klublar uyushmasi musobaqaning birinchi bosqichidagi juftliklarni aniqlash uchun liga qur'asini o'tkazgan edi.

Ma'lumot o'rnida, yangi mavsumdagi Misr chempionati 21 ta jamoa ishtirokida bir davrli tizim asosida boshlanadi. Birinchi bosqich yakuniga ko'ra, 7 ta jamoa chempionlik unvoni uchun, 14 tasi esa quyi ligaga tushib ketmaslik uchun kurash olib boradi va yakunda to'rtta jamoa quyi divizionga ravoana bo'ladi.