Lando Norris Ispaniya GP natijasidan norozi 🏎

Lando Norris Ispaniya Gran-prisidagi omadsiz vaziyatdan so'ng o'z noroziligini bildirdi. Poyganing bosh qismida Andrea Kimi Antonelli va Maks Verstappenning hujumlariga munosib qarshilik ko'rsatib, peshqadamlikni qo'lda saqlab turgan amaldagi jahon chempioni 14-turga kelib qiyin ahvolda qoldi.

Lance Stroll o'zining Aston Martin bolidini xavfsiz hududda to'xtatib qo'shganidan so'ng, hakamlar virtual xavfsizlik mashinasini chiqarishga qaror qilishdi. Biroq ushbu qaror poyga peshqadami pit-stop kirish yo'lakchasini o'tib ketganidan keyin qabul qilindi. Natijada uning asosiy ta'qibchilari vaqtni tejagan holda o'z to'xtashlarini amalga oshirib olishdi, britaniyalik sportchi esa yana bir qo'shimcha tur kutishga majbur bo'ldi.

Vaziyat ustidan nazoratni yo'qotgan Norris o'z garaji qarshisida turgan paytdayoq poyga qayta boshlanib ketdi. Sky Sports telekanaliga bergan intervyusida u bu holat taxmin o'yini emasligini va shunchaki omadsizlik yuz berganini ta'kidladi. U butun tarmoqda o'z vaqtida to'xtay olmagan yagona haydovchi bo'lganini va boshqalarga nisbatan 20 soniya yo'qotib qo'yganini afsus bilan esladi.

Britaniyalik pilot bunday qoidalar poyga taqdirini hal qilmasligi kerakligini va vaziyat uning nazoratidan tashqarida bo'lganini aytdi. U bu holatni adolatsiz deb atagan bo'lsa-da, ilgari o'zi ham shunday vaziyatlardan foyda ko'rganini tan oldi. Misol tariqasida u 2024 yilgi Mayami Gran-prisidagi xavfsizlik mashinasi xatosini esga oldi.

Xalqaro avtomobil federatsiyasi rasmiylari bilan bu mavzuda oldin ham gaplashganini ma'lum qilgan Norris, adolatni ta'minlash uchun virtual xavfsizlik mashinasi kamida bir tur davomida qoldirilishi kerakligini ta'kidladi. Ushbu ko'ngilsizlikdan so'ng poygachi ikki haftadan keyin Bokuda o'tkaziladigan bosqichda o'z imkoniyatlarini qayta tiklashga kirishadi.