V. Koloskov: "Krasnodar va Lokomotiv munosib o‘ynadi" ⚽

Rossiya futbol ittifoqi (RFS) faxriy prezidenti Vyacheslav Koloskov Chempionlar ligasining guruh bosqichi 1-turi doirasida maydonga tushgan Rossiya klublarining chiqishlarini sarhisob qildi. Uning ta'kidlashicha, mamlakatimiz vakillarining dastlabki turdagi o‘yinlari, "Zenit" bundan mustasno, umumiy hisobda qoniqarli natija qayd etdi.

Xususan, "Lokomotiv" jamoasining o‘yini barcha jihatlar bo‘yicha juda munosib chiqqani e'tirof etildi. Moskvaliklar texnika, maydondagi ishtiyoq, kombinatsion o‘yin va kurashlarda raqibidan qolishmadi. Ikkinchi bo‘lim boshida qisqa muddatli pasayish kuzatilgan bo‘lsa-da, jamoa tezda o‘ziga kelishni uddaladi.

Faxriy prezident bosh murabbiy Marko Nikolichning jasoratli qarorlarini ham alohida qayd etdi. U kerakli sur'atni saqlab qolish uchun nomdor futbolchilarni almashtirishdan cho‘chimadi. "Lokomotiv" tezlikni tushirgani bilangina Avstriya jamoasining ustunligi yuzaga keldi, biroq to‘p nazorati tiklanib, tezlik oshirilishi bilan bu ustunlik yo‘qoldi.

Koloskovning fikricha, "Krasnodar" ham, "Lokomotiv" ham zamonaviy va texnik jihatdan kuchli futbol namoyish etib, to‘pni nazorat qilish va standart vaziyatlardan unumli foydalanish mumkinligini ko‘rsatdi. Shu bois bu o‘yinlar hech qanday hafsalasizlik keltirib chiqarmadi, aksincha, kelajakka nisbatan ishonch va umid uyg‘otdi. Shu bilan birga, "Zenit"ning startdagi natijasi barchani xafa qilib, hech kimni qoniqtirmagani urg‘ulandi.