🎾 Jek Dreyper mavsumni muddatidan oldin yakunladi

ATP reytingining sobiq to'rtinchi raketkasi Jek Dreyper davom etayotgan qo'l jarohati tufayli joriy mavsumni muddatidan oldin yakunlashga majbur bo'ldi. 24 yoshli sportchi bu haqda o'zining ijtimoiy tarmoqdagi sahifalarida ma'lum qilib, 2027 yilning boshida musobaqalarga qaytishini e'lon qildi.

Britaniyalik tennischi so'nggi paytlarda o'ng qo'lidagi suyak lat yeyishi muammosi bilan qiynalib kelayotgan edi. Joriy mavsum davomida u atigi 7 ta turnirda qatnashib, jami 15 ta uchrashuv o'tkazdi. Muxlislar uni oxirgi marta avgust oyining o'rtalarida Sinsinnati turnirining birinchi davrasida ko'rishgan edi.

Deyper ijtimoiy tarmoqdagi murojaatida o'zining j jismoniy muammolari faoliyatiga jiddiy ta'sir ko'rsatganini ta'kidladi. O'tgan yili Indian-Uellsdagi g'alaba va Madrid turnirining finalidan keyin u dunyoning to'rtinchi raketkasi bo'lgan edi. Biroq hozirgi kunda u reytingda 155-o'ringacha pastlab ketdi.

Qaytish jarayoni sportchi uchun qiyin kechishi kutilmoqda, chunki u ketma-ket yarim yildan ortiq tanaffus qilmagani sababli muzlatilgan reyting qoidasidan foydalana olmaydi. Shu bois yirik turnirlarda qatnashish uchun unga tashkilotchilarning maxsus takliflari yoki saralash bosqichidan o'tish talab etiladi. Eslatib o'tamiz, yosh tennischining maslahatchilar guruhiga Endi Marrey ham kiradi.