Pro liga: "Xorazm"dan yirik g'alaba! ⚽

Futbo'y bo'yicha Pro liga doirasida o'tkazilgan navbatdagi uchrashuvda "Xorazm" o'z uyida "Sho'rtan" jamoasini qabul qildi. Keskin kurashlarga boy kechgan bahsda mezbonlar raqib darvozasiga javobsiz ravishda to'rtta gol kiritib, ishonchli g'alabani qo'lga kiritishdi.

O'yinning boshidanoq ustunlikni o'z qo'liga olgan xorazmliklar 12-daqiqadayoq hisobni ochishdi. Ro'zimboy Ahmedov o'z imkoniyatidan unumli foydalanib, jamoasini oldinga olib chiqdi. Oradan ko'p o'tmay, aniqrog'i 21-daqiqada Temur Бекчанов farqni ikkitaga oshirdi va jamoalar tanaffusga shu hisobda yo'l olishdi.

Ikkinchi bo'lim oxirlarida "Sho'rtan" futbolchisi Shahboz Jo'raev ikkinchi sariq kartochkani olib, maydonni erta tark etishga majbur bo'ldi. Son jihatdan kamchilikda qolgan mehmonlar o'yin oxirida yana ikkita gol o'tkazib yuborishdi. Avvaliga 87-daqiqada Ro'zimboy Ahmedov o'zining ikkinchi, jamoasining uchinchi golini urdi. O'yin yakunlanishiga hakam tomonidan qo'shib berilgan daqiqada esa Jasur Asadjanov yakuniy nuqtani qo'yib, hisobni 4:0 ko'rinishiga keltirdi.

Ushbu bahsni Shuhrat Rajabov boshchiligidagi hakamlar brigadasi boshqarib bordi. Bellashuv davomida mezbonlar hujumkor o'yin namoyish etib, haqli ravishda uch ochkoni qo'lga kiritishdi.