Gendun Golovkin va Kanat Islomning yangi raqiblari 🥊

Qozog'istonlik mashhur bokschilar Gendun Golovkin va Kanat Islomning bo'lajak janglari borasida yangi tafsilotlar oydinlashdi. Bu haqda Vesti.kz xabar berdi.

Xabarga ko'ra, avvalroq 22-may sanasiga belgilanishi rejalashtirilgan Gendun Golovkin va birinchi o'rta vaznda sobiq jahon chempioni bo'lgan meksikalik Xayme Mungiya o'rtasidagi to'qnashuv bo'lmay qolishi mumkin. Ushbu kunda britaniyalik Josh Teylor hamda meksikalik Xose Ramires o'zaro jang o'tkazishi belgilangan.

Shu munosabat bilan GGG faoliyatini Yaponiyada davom ettirib, WBA Super kamari egasi Riota Murata bilan ringga ko'tarilishi taxmin qilinmoqda. O'z navbatida, Xayme Mungiya uchun Kanat Islom asosiy raqib variantlaridan biriga aylandi.

Avvalroq Mungiyaning promouterlari Erik Gomes va Fernando Beltran Golovkin jamoasi bilan rasmiy muzokaralar hali o'tkazilmaganini ma'lum qilgandi. Shunga qaramay, barcha manfaatdor tomonlar, jumladan DAZN striming xizmati ham ushbu qarama-qarshilikdan katta manfaatdor ekanini bildirgandi. Agar muzokaralar turli sabablarga ko'ra amalga oshmasa, Mungiya aprel oyida Kanat Islomga qarshi jang o'tkazishi mumkinligi aytilgandi.