Ozarbayjon Grem-prisida Piastri g'olib 🏎

Bokuda tashkil etilgan Formula-1 Ozarbayjon Gran-prisi yakuniga ko'ra, "Maklaren" jamoasi sharafini himoya qiluvchi Oskar Piastri barchadan ustun kelib, shohsupaning eng yuqori pog'onasiga ko'tarildi. 23 yoshli avstraliyalik poygachi uchun mazkur muvaffaqiyat faoliyatidagi ikkinchi yirik g'alaba bo'lib tarixga kirdi. U bungacha Vengriya bosqichida ham birinchi o'rinni egallagan edi.

Musobaqaning asosiy daqiqalarida "Ferrari" safida harakat qilgan Sharl Lekler g'olibga jiddiy raqobat ko'rsatdi. Biroq u marraga peshqadamdan 10,9 soniya kechroq yetib kelib, ikkinchi natija bilan kifoyalanishga majbur bo'ldi. "Mercedes" haydovchisi Jorj Rassell esa o'z jamoasiga sovrinli o'rin keltirib, kuchli uchlikka yakun yasadi.

Bokudagi murosasiz kechgan bellashuvda 51 ta aylanishni muvaffaqiyatli yakunlagan boshqa yetakchi poygachilar ham ochko jamg'arishdi. Xususan, Lando Norris to'rtinchi, Maks Ферстаппен beshinchi, Fernando Alonso oltinchi bo'lib marraga yetib keldi. Shuningdek, kuchli o'ntalikka Aleks Албон, Franko Kolapinto, Lyuis Hemilton va Oliver Berman kabi haydovchilar ham kirdilar.

Qizg'arli va xatarlarga boy o'tgan musobaqa davomida ayrim sportchilar marraga yetib kela olishmadi. Xususan, Karlos Sayns, Serxio Peres, Lans Stroll va Yuki Sunoda turli sabablarga ko'ra poygani oxirigacha yakunlay olishmadi.

Mazkur bosqichdan so'ng jamoalar va poygachilar endi keyingi manzilga tayyorgarlik ko'rishmoqda. Formula-1 chempionatining navbatdagi bosqichi 20-22-sentyabr kunlari Singapur shahrida bo'lib o'tishi belgilangan.