Norvegiyalik biatlonchilardan shvedlarga gul 💐

Chexiya Respublikasining Nove-Mesto shahrida o'tkazilayotgan jahon chempionati vaqtida qiziqarli voqea yuz berdi. 14 fevral – barcha oshiqlar kuni hamda individual poyga bahslari o‘tkazilgan sanada Norvegiya biatlon terma jamoasi a'zolari Shvetsiya terma jamoasi vakillariga o‘ziga xos sovg‘a sifatida gullar jo‘natishdi.

Norvegiyalik sportchilarning tan olishicha, ushbu e'tibor belgisi shved jamoasining taniqli vakillari Sebastian Samuelsson, Martin Ponsiluoma va Hanna Oebergga atab yuborilgan. Xususan, terma jamoa a'zosi Endre Strömsheim shved sportchisi Samuelsson poygalar oldidan biroz tushkun va g‘amgin kayfiyatda bo‘lganini aytib o‘tdi.

Strömsheimning ta'kidlashicha, norvegiyaliklar raqibining ko‘nglini ko‘tarib, unga ijobiy energiya ulashishni maqsad qilishgan va shuning uchun ham shved sportchilariga gul yuborishga qaror qilishgan. Bu do‘stona jest sport olamida iliq kutib olindi.

Mazkur g‘oya muallifi kim bo‘lganiga ham aniqlik kiritildi. Yoxannes Bö bu tashabbus to‘liq jamoamerdoshlaridan biri Christiansenga tegishli ekanini ma'lum qilib, uning sa'y-harakatini munosib baholadi va bunday tadbirda qatnashganidan mamnunligini bildirdi.